top of page
  • Valya Mertarchyan

Ատամի կարիեսի կանխարգելում:




Ամերիկյան ատամնաբուժական ասոցիացիան խորհուրդ է տալիս հերմետիկներ օգտագործել որպես կարիեսի կանխարգելման միջոցառումների մաս:

Ատամի հերմետիկները (սիլանտները) բարձր արդյունավետ կանխարգելիչ միջոց են ատամի կարիեսի դեմ:


Ատամների հերմետիկները կարիեսի բուժման գործընթացի կարևոր մասն են, որը ներառում է կանխարգելիչ միջոցառումների ավելացում և կարիոգեն գործոնների նվազեցում։ Հերմետիկները օգտագործվում են այն դեպքում, երբ երեխաների մոտ կա կարիեսի բարձր մակարդակ և խորը ֆիսուրներ ատամների ծամող մակերեսների վրա: Դա վերաբերում է ինչպես կաթնատամներին, այնպես էլ մշտական ​​ատամներին:


Հերմետիկը կոմպոզիտային պլոմբանյութի բարակ շերտ է, որը տեղադրված է ատամների ծամող մակերեսների վրա՝ կարիեսը կանխելու համար: Հերմետիկները երկու տարի 80% արդյունավետությամբ պաշտպանում են ատամները կարիեսից:


Ինչպե՞ս են նրանք գործում:


Ատամների հերմետիկները կանխում են բակտերիաների և շաքարի ( ածխաջրեր) կպչումը ատամներին: Արդյունքում այս ատամները պաշտպանված են թթուներից, որոնք առաջացնում են կարիես:Ատամների հերմետիկները օգտագործվում են ինչպես կարիեսի կանխարգելման, այնպես էլ բուժման համար: Այնուամենայնիվ, հերմետիկները հիանալի կանխարգելիչ միջոց են, երբ ատամները զերծ են կարիեսից: Ատամնաբուժական հերմետիկները կանխում են հետագա դեմիներալիզացիան և կարիեսի առաջացումը չկավիտացված (սկզբնական) շրջանում :


Ատամնաբույժները կամ հիգիենիստներն են տեղադրում հերմետիկները: Այս պրոցեդուրան արագ, հեշտ և ցավազուրկ է։


Հերմետիկները մշտական ​​չեն և պետք է փոխարինվեն: Բացի այդ, հիվանդները պետք է իմանան, որ հերմետիկները կարիեսի բուժման միայն մեկ բաղադրիչները չեն, ուստի նրանք պետք է պահպանեն ատամների հիգիենան, կանոնավոր այցելեն իրենց ատամնաբույժին և հետևեն առողջ սննդակարգին:


Հերմետիկը կանխում է կարիեսը:

Կարևոր է հիշել, որ առողջ ատամներ ունենալու համար կարիեսի կանխարգելումն նախընտրելի է, քան բուժումը.


 


Հետևեք ինձ Twitter-ում, Facebook-ում և Instagram-ում:




Աղբյուրներ:


(Darby & Walsh, Fourth Edition, p 358)

158 views0 comments

Comentarios


bottom of page